«Մեր սրտերը դեռ ցավում են անմեղ զոհերի համար»․ ՀՀ նախագահն ուղերձ է հղել Բայդենին՝ 2001-ի ահաբեկչության առիթով - RadioVan.fm

Онлайн

«Մեր սրտերը դեռ ցավում են անմեղ զոհերի համար»․ ՀՀ նախագահն ուղերձ է հղել Բայդենին՝ 2001-ի ահաբեկչության առիթով

2021-09-13 18:14 , Политика, 309

«Մեր սրտերը դեռ ցավում են անմեղ զոհերի համար»․ ՀՀ նախագահն ուղերձ է հղել Բայդենին՝ 2001-ի ահաբեկչության առիթով

Հայաստանի նախագահ Արմեն Սարգսյանն ուղերձ է հղել Ամերիկայի Միացյալ Նահանգների նախագահ Ջոզեֆ Բայդենին՝ ԱՄՆ-ում ահաբեկչական հարձակման 20-րդ տարելիցի կապակցությամբ:

Նախագահ Սարգսյանի ուղերձում մասնավորապես ասվում է.

«Միացյալ Նահանգներում տեղի ունեցած 9/11 ահաբեկչական հարձակումից արդեն քսան տարի է անցել: Զոհվել է ավելի քան 3000 հազար անմեղ մարդ՝ ներառյալ ամերիկահայեր, իսկ ավելի քան 10000-ը ստացել են վնասվածքներ: Մեր սրտերը դեռ ցավում են անմեղ զոհերի համար, իսկ մեր աղոթքները ողջ մնացածների և նրանց ընտանիքների հետ են:

Հայաստանը խստորեն դատապարտում է ահաբեկչության բոլոր դրսևորումները և մարդկային արժեքների ոտնահարումը: Մենք կանգնած ենք ամերիկյան ժողովրդի կողքին՝ ի պաշտպանություն ազատության և խաղաղության գաղափարների:

Ողջ պատմության ընթացքում տառապանքն ու ողբերգությունները եղել են մեր երկրի ճակատագիրը, մենք գիտենք, թե որքան անտանելի կարող է լինել այդ ցավը։ Համոզված ենք, որ բոլոր քաղաքակիրթ ազգերի հետ համատեղ կարող ենք պայքարել ահաբեկչության և չարիքի դեմ։ Ահաբեկչությունը և այլ վնասակար գործողությունները չպետք է գոյություն ունենան մեր աշխարհում։ Հայաստանն արդեն ցույց է տվել միջազգային այդ պայքարին աջակցելու իր հանձնառությունը։

Ընդհանուր պատմությունը, արժեքներն ու հայացքները ամուր հիմք են երկու երկրների միջև հարաբերությունների ամրապնդման և համագործակցության խորացման համար։ Հայ-ամերիկյան հարաբերությունները մշտապես հիմնված են եղել փոխադարձ հարգանքի, ընդհանուր գաղափարների և ավելի բարեկեցիկ ապագայի հանդեպ ունեցած ամուր հավատի վրա»։

2001 թվականի սեպտեմբեր 11-ին «Ալ-Քաիդա» խմբավորման մահապարտ ահաբեկիչներն առևանգել են 4 ուղևորատար ինքնաթիռներ, որոնցից երկուսը մխրճվել են Նյու Յորքի Առևտրի համաշխարհային կենտրոնի երկնաքերերի մեջ, մեկը հարվածել է Պենտագոնի համալիրին և ևս մեկը, որում ուղևորները և անձնակազմի անդամները փորձել են կանխել ահաբեկիչներին, վայր է ընկել Պենսիլվանիայի նահանգում:

19 ահաբեկչի հարձակումների հետևանքով զոհվել է ավելի քան 3000 մարդ։

Лента

Рекомендуем посмотреть