Անկախ Հայաստանը 30 տարեկան է

Սեպտեմբերի 21-ին Հայաստանի Հանրապետությունը նշում է անկախության 30-րդ տարեդարձը։

Հայաստանի Անկախության հռչակագիրն ընդունվել է 1990թ. օգոստոսի 23-ին՝ Գերագույն Խորհրդի նիստում:

1991թ. սեպտեմբերի 21-ին ԽՍՀՄ-ից դուրս գալու հարցով Հայաստանի տարածքում անցկացված հանրաքվեի արդյունքներով մասնակցելու իրավունք ունեցող 2 056 758 քաղաքացիների 94.39%-ն «այո» ասաց անկախությանը։

Սեպտեմբերի 23-ին ՀՀ Գերագույն խորհուրդը, ամփոփելով հանրաքվեի արդյունքները, Հայաստանի Հանրապետությունը հռչակեց անկախ պետություն:

Անկախության տոնի առիթով առավոտյան բարձրաստիճան պաշտոնյաներն այցելել են «Եռաբլուր» զինվորական պանթեոն։ Կեսօրին նախագահի նստավայրում պարգևատրման արարողություն է։ Մայրաքաղաքի փողոցներում զինվորական քայլերթեր կիրականացվեն։

Անկախության օրվան նվիրված միջոցառումները կամփոփվեն ժամը 20-ին Երևանի Հանրապետության հրապարակում նախատեսված միջոցառմամբ։