Մյասնիկյան-Հերացի ճանապարհը միակողմանի փակ կլինի

Ասֆալտապատման աշխատանքներով պայմանավորված՝ այսօր երեկոյան ժամը 21-00-ից մինչև ապրիլի 27-ի 07:00-ն Մյասնիկյան պողոտայի (Ավան վարչական շրջանի ուղետարից) մինչև Հերացի փողոցն իջնող հատվածում երթևեկը միակողմանի փակ կլինի: Այդ մասին հայտնում են Երևանի քաղաքապետարանից՝ որպես այլընտրանք առաջարկելով Քանաքեռ-Զեյթուն վարչական շրջանի Ռուբինյանց փողոցից դեպի քաղաքի կենտրոն տանող ճանապարհները:

Պատճառվող ժամանակավոր անհարմարությունների համար քաղաքապետարանը հայցում է քաղաքացիների ներողամտությունը: