Հակահայ գրությամբ բեռնատար՝ թատրոնի շենքի դիմաց․ ԱՄՆ-ում Ադրբեջանի դեսպանությունը փորձել է խափանել Արցախում ադրբեջանական ագրեսիայի մասին բրիտանացի կինոռեժիսորի ֆիմի ցուցադրությունը

ԱՄՆ-ում Ադրբեջանի դեսպանությունը փորձել է խափանել վավերագրող կինոռեժիսոր, Մեծ Բրիտանիայի թագավորական նավատորմիծովային հետևակի նախկին զինվորական Էմիլ Գեսսենի՝ Արցախում ադրբեջանական ագրեսիայի մասին պատմող վավերագրական ֆիլմի ցուցադրությունը։

Վանշինգտոնում «45 օր․ պայքար հանուն ազգի» ֆիլմի պրեմիերայից առաջ Ադրբեջանի դեսպանությունը զանգահարել է թատրոն՝ պնդելով, որ չեղարկեն միջոցառումը, այլապես թատրոնի հեղինակությունը կտուժի։

Պահանջի մերժումից հետո Ադրբեջանի դեսպանատունը փորձել է վարկաբեկել վավերագրական ֆիլմը՝ վճարելով հակահայ գրությամբ բեռնատար մեքենայի՝ թատրոնի դիմաց կայանելու համար։ Բեռնատարի էկրանին գրված է եղել՝ «Արդյո՞ք ֆիլմը ցույց տալու է՝ ինչպես են հայերը հարձակվում ադրբեջանցի քաղաքացիների վրա»։

Ի պատասխան այս քայլի՝ ֆիլմի ռեժիսոր Գեսսենը Twitter-ում գրել է․

«Շնորհակալություն, ձեր բեռնատարն այս երեկո մեր ցուցադրությանն ուղարկելու, ինչպես նաև՝ ցուցադրությունը դադարեցնելու պահանջով թատրոնին ահաբեկելու փորձերի համար: Հաջորդ անգամ մի վատնեք ձեր գումարը, ես ձեզ համար անվճար տոմսեր ունեմ, և ներսում շատ ավելի տաք է»։

Thank you @azembassyus for sending your truck down to our screening this evening as well as trying to bully the theatre to stop the screening. Next time, don’t waste your money, I have free tickets for you and it’s much warmer inside. #45daysfilm #bullies #POTUS #WhiteHouse pic.twitter.com/ObWHVOsKEr
— Emile Ghessen (@emileghessen) October 20, 2021

Նշենք՝ ավելի վաղ BFBS Academy-ն թվիթերյան գրառմամբ հայտնել էր, որ այս տարեվերջին էկրան կբարձրանա բրիտանացի ռազմական լրագրողի նկարահանած «45 օր․ պայքար հանուն ազգի» վերնագրով ֆիլմը, որում ներկայացվելու են 2020 թվականի աշնանը տեղի ունեցած Արցախյան պատերազմում իրենց հարազատներին կորցրած մարդկանց պատմություններ։

Former @RoyalMarines, @emileghessen is our Alumni and he never stops impressing us!

He has a new documentary will be dropping later this year

'45 Days, The Fight For A Nation'

The human stories of the recent war between Armenia and Azerbaijan pic.twitter.com/WaG6cBWW54
— BFBS Academy (@BFBSAcademy) February 11, 2021