Դավթաշենի կամրջի տակից փրկարարները քաղաքացու դի են դուրս բերել

Այսօր՝ հոկտեմբերի 22-ին, ժամը 15։15-ին Ճգնաժամային կառավարման ազգային կենտրոն ոստիկանությունից տեղեկություն է ստացվել, որ Երևանի Դավիթաշենի կամրջի տակ դի է նկատվում։

Արտակարգ իրավիճակների նախարարությունից (ԱԻՆ) հայտնում են, որ դեպքի վայր է մեկնել Փրկարար ծառայության մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարները կամրջի տակից դուրս են բերել քաղաքացու դին (Ա․ Պ․, ծնված 1967 թ․) և մոտեցրել շտապօգնության ավտոմեքենային։