Ադրբեջանը հետաքրքրված է պակիստանյան JF-17 Thunder կործանիչների ձեռքբերմամբ։
Ադրբեջանական լրատվամիջոցների հաղորդմամբ՝ այդ մասին ասել է Պակիստանում Ադրբեջանի դեսպանության ռազմական կցորդ Մեհման Նովրուզովը:
«Պակիստանից JF-17 Thunder օդանավեր գնելը մեր օրակարգի առանցքային հարցն է»,-ասել է նա՝ ընդգծելով, որ Ադրբեջանի ռազմաօդային ուժերը լուրջ ջանքեր են գործադրում իրենց միջոցների, հատկապես՝ կործանիչների արդիականացման ուղղությամբ։
«Այդ ուղղությամբ համատեղ աշխատանք է տարվում Պակիստանի հետ»,-հավելել է այդ երկրում Ադրբեջանի դեսպանության ռազմական կցորդը։
JF-17 Thunder կործանիչ-ռմբակոծիչը Պակիստանի և Չինաստանի համատեղ մշակած ռազմական օդանավ է։ Վերջին մոդիֆիկացայի արժողությունը ավելի քան 25 միլիոն դոլար է։