Онлайн
Ադրբեջանը Հունգարիայի միջնորդությամբ Հայաստանին է վերադարձրել նոյեմբերի 16-ի բախումների ժամանակ գերեվարված 5 հայ զինծառայողի։
Ադրբեջանական լրատվամիջոցների փոխանցմամբ՝ այս մասին հայտնել է Ադրբեջանի ռազմագերիների, պատանդների և անհայտ կորած քաղաքացիների պետական հանձնաժողովը։
Հայաստանի արտաքին գործերի նախարարության մամուլի խոսնակը, հաստատելով լուրը, հրապարակել է հայրենիք վերադարձների տվյալները։
Նրանք են՝
Սարգիս Աբրահամյան Արթուրի
Արման Խաչատրյան Վաչագանի
Վահե Աղաջանյան Սասունի
Սուրեն Խաչատրյան Լյովայի
Արամ Ավետյան Արտյոմի։
Նկատենք՝Հայաստանի և Հունգարիայի միջև 1992թ. փետրվարի 26-ին հաստատված դիվանագիտական հարաբերությունները կասեցվել են 2012թ. օգոստոսի 31-ին՝ ՀՀ ԱԱԽ որոշմամբ, այն բանից հետո, երբ այդ երկիրը Ադրբեջան արտահանձնեց Բուդապեշտում հայ սպա Գուրգեն Մարգարյանին կացնահարած Ռամիլ Սաֆարովին, ինչպես 2017-ին հրապարակեցին հունգարական հետաքննական լրագրողական կազմակերպությունները՝ Ադրբեջանի նախագահ Իլհամ Ալիևի և Հունգարիայի վարչապետ Վիկտոր Օրբանի միջև գործարքի արդյունքում:
