«Չհամարձակվե´ք։ Դուք դրա իրավունքը չունեք»․ Թաթոյանը՝ ՊՊԾ պետին ու նրա ենթականերին - RadioVan.fm

Онлайн

«Չհամարձակվե´ք։ Դուք դրա իրավունքը չունեք»․ Թաթոյանը՝ ՊՊԾ պետին ու նրա ենթականերին

2022-05-02 16:51 , Право, 503

«Չհամարձակվե´ք։ Դուք դրա իրավունքը չունեք»․ Թաթոյանը՝ ՊՊԾ պետին ու նրա ենթականերին

«Չհամարձակվե՛ք մյուս անգամ նման բացահայտ անհարգալից վերաբերմունք ցուցաբերել քաղաքացիների նկատմամբ:

Դա օրենքի կոպիտ խախտում է և դուք դրա իրավունքը չունեք: Վերջ»,- Պետական պահպանության ծառայության (ՊՊԾ) պետին ու նրա ենթականերին է դիմում Մարդու իրավունքների նախկին պաշտպան Արման Թաթոյանը։

«Չհամարձակվե´ք մյուս անգամ բռնություն գործադրել մասնագիտական գործունեություն իրականացնող լրագրողների նկատմամբ կամ խոչընդոտել նրանց աշխատանքը՝ այն էլ նման արհամարհական պահվածքով:

Ոստիկանների կամ հանրային վայրում ծառայություն իրականացնող պետական ցանկացած ծառայողի կողմից ուղղակի պետք է բացառվի բռնության ցանկացած դրսևորում: Դա օրենքով խստիվ արգելված է:

Ու առհասարակ, պետք է բացառվի կարգավիճակից դուրս, հետևաբար՝ օրենքը խախտող ցանկացած գործողություն, այդ թվում՝ քաղաքացու նկատմամբ որևէ տեսակի անհարգալից վերաբերմունք կամ վիրավորանք:

Ոստիկանները որևէ պարագայում չպետք է հավաքների կամ այլ ակցիաների կազմակերպիչների կամ մասնակիցների հետ մտնեն «տղայական» խոսակցությունների կամ «ռազբորկաների» մեջ: Պետք է գործել իրավական կարգավիճակի սահմաններում` բացառապես:

Քաղաքացիներին խնդրում եմ` եթե տեսնում եք, որ այլ անձինք փորձում են սադրել բռնություն կամ արդեն տեղի ունեցող բռնության դեպքում պետք է այդ մասին անհապաղ տեղեկացնել Ոստիկանությանը` իրավական ընթացակարգով դա կանխելու կամ այդ անձանց մեկուսացնելու համար: Դա պետության գործառույթն է և մասնավորապես՝ Ոստիկանության խնդիրը:

Սիրելի՛ հայրենակիցներ, ձեզ էլ խնդրում եմ բացառել վիրավորանքը, արժանապատվությունը վիրավորող խոսքերը ոստիկանների հետ հարաբերություններում: Դա ավելի է լարում մթնոլորտը»,-ֆեյսբուքյան իր էջում գրել է Թաթոյանը։

Лента

Рекомендуем посмотреть