Այսօր նշվում է «Շնորհակալության» միջազգային օրը: Թե ով է այն սահմանել՝ հստակ չէ. վարկածների համաձայն դա արվել է ՄԱԿ-ի և ՅՈՒՆԵՍԿՕ-ի կողմից, ոմանց պնդմամբ էլ՝ այն սկիզբ է դրել բացիկներ արտադրող մի ամերիկյան կազմակերպություն՝ վաճառքի մակարդակը բարձրացնելու մտադրությամբ:
Ով էլ որ սահմանած լինի այն՝ էական չէ, կարևորը օրը հրաշալի առիթ է ձեր մտերիմներին ուղղելու հոգեբանների համոզմամբ՝ հրաշագործ այդ արտահայտությունը՝ «Շնորհակալություն»:
Հոգեբանները վստահ են, որ շնորհակալական խոսքերը նման են «բանավոր շոյանքի», որոնք ունակ են հանգստացնել և տաքացնել իրենց ջերմությամբ: Կարևոր է, որ շնորհակալական խոսքերը ասվեն ի սրտե: Նման խոսքը բարձացնում է ասողի ինքնագնահատականը, բարերար ազդեցություն գործում նրա իմունիտետի վրա: «Շնորհակալությունն» դրական ազդեցություն է ունենում նաև հասցեատիրոջ վրա: Օրինակ, նշվում է, որ Ճապոնիայում աշխատանքի բարձր արդյունավետության պատճառներից մեկն այն է, որ ամեն աշխատանքային օրվա ավարտին ղեկավարությունը շնորհակալություն է հայտնում բոլոր աշխատողներին: