ՀՀ կառավարությունն այսօրվա նիստում մարտի 9-ը ոչ աշխատանքային օր համարելու վերաբերյալ որոշում է կայացրել:
Որոշման նախագծի համաձայն՝ մարտի 9-ի աշխատանքային օրը կտեղափոխվի 2018 թվականի մարտի 17-ը` շաբաթ օրը:
Նախագծի հիմնավորման մեջ նշված է, որ «Աշխատանքային օրը տեղափոխելու մասին» ՀՀ կառավարության որոշման նախագծի ընդունումը պայմանավորված է Հայաստանի Հանրապետության քաղաքացիների` ՀՀ տոների կապակցությամբ հանգիստը կազմակերպելու անհրաժեշտությամբ:
Մարտի 8-ը՝ Կանանց տոնով պայմանավորված, «ՀՀ տոների և հիշատակի մասին» օրենքի համաձայն՝ ևս ոչ աշխատանքային է:
Այդպիսով՝ աշխատավորները 4 օր հանգստանալու հնարավորություն կունենան: