Փոքր Վեդիում որսացել են կարմիրգրքյան քաջահավ թռչուն․ նախարարությունը՝ խիստ դատապարտմամբ

Շրջակա միջավայրի նախարարությունից հայտնում են, որ, իրացնելով ոստիկանության Արարատի մարզային վարչությունում ստացված օպերատիվ տվյալները, ոստիկանության Արարատի բաժնի ծառայողները հուլիսի 10-ին՝ ժամը 20։50-ին, Փոքր Վեդի գյուղի «Խոր Վիրապ» պետական արգելավայրի հարակից համայնքային տարածքից բաժին են բերել 31-ամյա տղամարդու։

Բաժնում պարզվել է, որ նա ժամը 20։00-ի սահմաններում որսացել է Կարմիր գրքում գրանցված քաջահավ թռչուն:

«Խիստ դատապարտում ենք նման վերաբերմունքը և հորդորում՝ զերծ մնալՀայաստանի «Կարմիր գրքում» գրանցված որևէ կենդանատեսակի հանդեպ դաժան վերաբերմունք դրսևորելու մերժելի գործելաոճից։

Հայաստանի կարմիրգրքյան կենդանատեսակների պահպանության համար պատասխանատու ենք բոլորս»,-ասված է հաղորդագրությունում։