ԵԽ նախագահը ողջունել է Հայաստանի սահմանի երկայնքով դիտորդների տեղակայումը

Եվրոպական խորհրդի (ԵԽ) նախագահ Շառլ Միշելը թվիթերյան գրառմամբ ողջունել է Եվրոպական միության (ԵՄ) դիտորդական առաքելության տեղակայումը Հայաստանի սահմանի երկայնքով:

Նա նշել է, որ այն կօգնի վստահության ձևավորմանը և թույլ կտա ԵՄ-ին ավելի լավ աջակցել սահմանային հանձնաժողովներին, որոնք, ըստ Միշելի, շուտով կհանդիպեն Բրյուսելում:

Welcome rapid deployment of monitoring capacity in along its international border with following meeting with @azpresident @NikolPashinyan @EmmanuelMacron

Will help build confidence allow EU to better support border commissions which will convene shortly in Brussels.
— Charles Michel (@CharlesMichel) October 17, 2022

Հիշեցնենք՝ քաղաքացիական դիտորդների տեղակայման համաձայնությունը ձեռք էր բերվել Պրահայում՝ Հայաստանի, Ադրբեջանի, Ֆրանսիայի և Եվրոպական խորհրդի ղեկավարների ՝ հոկտեմբերի 6-ի հանդիպման ընթացքում։

Եվրամիության 27 երկրի արտաքին գործերի նախարարներն էլ երեկ կայացած նիստում հաստատել են Հայաստան դիտորդական առաքելություն ուղարկելու որոշումը:

Ըստ այդմ՝ որոշվել է մինչև 40 դիտորդ տեղակայել հայ-ադրբեջանական սահմանի հայկական կողմում։