Բրյուսելում Գրիգորյանը եւ Մուստաֆաեւը պայմանավորվել են արագացնել սահմանազատման հանձնաժողովի համատեղ գործունեության աշխատանքները - RadioVan.fm

Онлайн

Բրյուսելում Գրիգորյանը եւ Մուստաֆաեւը պայմանավորվել են արագացնել սահմանազատման հանձնաժողովի համատեղ գործունեության աշխատանքները

2022-11-03 20:44 , Политика, 281

Բրյուսելում Գրիգորյանը եւ Մուստաֆաեւը պայմանավորվել են արագացնել սահմանազատման հանձնաժողովի համատեղ գործունեության աշխատանքները

Այսօր՝ նոյեմբերի 3-ին, Բրյուսելում տեղի է ունեցել Հայաստանի Հանրապետության (ՀՀ) և Ադրբեջանի Հանրապետության (ԱՀ) միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության ու Հայաստանի Հանրապետության միջև պետական սահմանի սահմանազատման պետական հանձնաժողովի երրորդ նիստը՝ ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի նախագահությամբ:

ՀՀ արտաքին գործերի նախարարությունից (ԱԳՆ) հայտնում են, որ, մինչ նիստի մեկնարկը, Եվրոպական արտաքին գործողությունների ծառայության գլխավոր քարտուղար Ստեֆանո Սանինոն ողջունել է Հայաստանի Հանրապետության և Ադրբեջանի Հանրապետության պատվիրակություններին, հաջողություն է մաղթել հանձնաժողովների աշխատանքներին և վերահաստատել Եվրոպական միության պատրաստակամությունը հետագայում ևս օժանդակություն ցուցաբերել Հայաստանի Հանրապետության և Ադրբեջանի Հանրապետության միջև հարաբերությունների կարգավորման հարցերում:

ՀՀ փոխվարչապետ Մհեր Գրիգորյանը և ԱՀ փոխվարչապետ Շահին Մուստաֆաևն իրենց ողջույնի ելույթներում երախտագիտություն են հայտնել ԵՄ խորհրդին հանդիպման լավ կազմակերպման համար։

Հաշվի առնելով Հայաստանի Հանրապետության և Ադրբեջանի Հանրապետության ղեկավարների մակարդակով տարբեր ձևաչափերում ձեռք բերված պայմանավորվածությունները՝ կողմերը շարունակել են սահմանազատման հարցերի քննարկումը, անդրադարձ են կատարել կազմակերպչական և ընթացակարգային հարցերի։

Հանձնաժողովների համատեղ գործունեության իրավական շրջանակների ձևավորման նպատակով՝ կողմերը պայմանավորվել են արագացնել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի Հանրապետության ու Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության կարգի համաձայնեցման աշխատանքները:

Կողմերը պայմանավորվել են աշխատանքային կարգով որոշել հանձնաժողովների չորրորդ նիստի անցկացման ամսաթիվը և վայրը։

Лента

Рекомендуем посмотреть