ՌԴ նախագահ Վլադիմիր Պուտինը՝ լրագրող Անդրեյ Կոնդրաշովի «Պուտին» նոր ֆիլմում պատմել է, թե ինչպես է իր պապը՝ Սպիրիդոն Պուտինը, խոհարար աշխատել Վլադիմիր Լենինի և Իոսիֆ Ստալինի մոտ: Պուտինը նշելել է, որ իր պապը նախ՝ Լենինի, այնուհետև Ստալինի մոտ խոհարար է աշխատել Գորկիում գտնվող մերձմոսկովյան տներից մեկում։ ՌԴ նախագահն ասել է, որ ինքն անձամբ այդ տներում չի եղել, փոխարենը՝ իր հայրն է եղել, ով պատմել է, թե ինչպես է ընթացել կյանքն այնտեղ:
«Զարմանալի է, որ նրանք բռնաճնշումների չեն ենթարկվել: Հավանաբար, հակառակը, նրանց գնահատում էին՝ հասկանալով, որ այդ մարդիկ հուսախաբ չեն անի»,-ընդգծել է Պուտինը՝ համանուն ֆիլմում։
Ռուսաստանի նախագահը ֆիլմում նաև պատմում է, թե ինչպես են կոնտրել իր քիթը, և որ Գերմանիայի կանցլեր Անգելա Մերկելը Ռուսաստան կատարած այցերի ժամանակ երբեմն տանում է իր սիրած՝ ռադենբերգյան գարեջուրը։
Պուտինը նաև պատասխանել է իրեն ուժ տվող «դեղերին» առնչվող հարցին, որի մասին ժամանակին հատարարել էր Իտալիայի նախկին վարչապետ Սիլվիո Բեռլուսկոնին՝ նշելով, որ ինքը և Պուտինը «դեղեր» ունեն, որոնք ուժի աղբյուր են:
«Դրանք երկուսն են` վստահությունն այն բանում, որ ինչ անում ես, ճիշտ է, և պատրաստակամությունը` նվիրել դրան կյանքդ»,-բացահայտել է Պուտինը:
Նշենք, որ լրագրող Անդրեյ Կոնդրաշովի Վլադիմիր Պուտինի մասին եզակի փաստեր ներկայացնող շուրջ երկու ժամ տևողությամբ վավերագրական ֆիլմն արդեն համացանցում է: