Շիրակի մարզի Ախուրյան գյուղում գտնվող խարխուլ մի դոմիկ-տնակում բնակվում է մանկահասակ երեխաներ ունեցող ընտանիքը՝ զուրկ կոմունալ տարրական պայմաններից:
Սոցիալական ծանր պայմանների պատճառով ընտանիքի երկու դպրոցահասակ երեխաներն ուղարկվել են մտավոր թերզարգացում ունեցող երեխաների հատուկ դպրոց:
Խնդրի մասին բարձրաձայնում է Գյումրիի «Շիրակ կենտրոնը»՝ ներկայացնելով նաև այդ ընտանիքի դժոխային ապրելակերպի մասին փաստող տեսանյութ:
«Առանց վարանելու, նրանց կարելի է համարել Հայաստանում ամենաաղքատ պայմաններում բնակվող ընտանիք»,-նշվում է կենտրոնի տարածած հաղորդագրությունում: