Онлайн
«Նախնական տեղեկություններով Կեմերովոյում հրդեհի հետևանքով տուժածների մեջ կան հայեր»: Այս մասին թվիթերյան իր միկրոբլոգում տեղեկացրել է ԱԳՆ խոսնակ Տիգրան Բալայանը:
«Հավելյալ տեղեկություններ կհայտնենք Ռուսաստանում Հսյաստանի դեսպանատնից դրանց ստանալուն պես»,-նշել է նա:
Հիշեցնենք՝ երեկ կեսօրին ՌԴ Կեմերովոյի շրջանի «Զիմնյայա վիշնյա» հնգահարկ առևտրի և զվարճանքի կենտրոնի չորրորդ հարկում hրդեհ է բռնկվել: Աղետի հետևանքով զոհերի թիվը վերջին տվյալներով՝ 53 է, որից 9-ը՝ երեխաներ:
Այս ժամի դրությամբ 69 մարդ, այդ թվում՝ մոտ 41 երեխա, համարվում է անհետ կորած։
Առևտրի կենտրոնի որոշ հատվածներում պահպանվում է ծխահարության վտանգը, մարման աշխատանքները շարունակվում են:
Հրդեհի փաստով քրեական գործ է հարուցվել: Հայտնի է, որ չորս մարդ, այդ թվում առևտրի կենտրոնի տնօրենը՝ հարցաքննվել են:
