Նախարարը, հաղորդավարներն ու երգիչները պատանի մարզիկների հետ բասկետբոլ կխաղան - RadioVan.fm

Онлайн

Նախարարը, հաղորդավարներն ու երգիչները պատանի մարզիկների հետ բասկետբոլ կխաղան

2018-04-11 15:34 , Спорт, 1989

Նախարարը, հաղորդավարներն ու երգիչները պատանի մարզիկների հետ բասկետբոլ կխաղան

Այսօր՝ ապրիլի 11-ին, Երևանի «Մարզաձևերի զարգացման հանրապետական համալիր կենտրոն» ՊՈԱԿ-ի (նախկին «Միկա») մարզադահլիճում տեղի կունենա բասկետբոլային «Աստղերի խաղ» միջոցառումը, որը բաղկացած է լինելու 3 մասից:

ՀՀ սպորտի և երիտասարդության հարցերի նախարարության պաշտոնական կայքից տեղեկանում ենք, որ առաջին հանդիպման ընթացքում (ժամը 17.00-ին) կմրցեն «Հայտնիներ» և «Անհայտներ» թիմերը:

««Հայտնիների» կազմում հանդես կգան ՀՀ սպորտի և երիտասարդության հարցերի նախարարի պաշտոնակատար, ՀՀ բասկետբոլի ֆեդերացիայի նախագահ Հրաչյա Ռոստոմյանը, ՀՀ բասկետբոլի ֆեդերացիայի փոխնախագահ Վահագն Հարությունյանը, բասկետբոլի Հայաստանի «Ա» լիգայի նախագահ Արա Պողոսյանը, երգիչներ Արամեն, Նարեկը («Մեծ Հայք» խումբ), Հայկ Դուրգարյանը, հաղորդավարներ Ֆելիքս Խաչատրյանը, Խորեն Լևոնյանը, Վահե Խանամիրյանը, դերասան Մկրտիչ Արզումանյանը և ուրիշներ, իսկ «Անհայտներ» թիմը կազմված կլինի պատանի բասկետբոլիստներից»,-ասված է հրապարակված հաղորդագրությունում:

Տեղեկատվության համաձայն՝ «Աստղերի խաղի» 2-րդ մասում (մեկնարկը՝ ժամը 18.20-ին) տեղի կունենա «Դանք» մրցույթը, որտեղ միմյանց հետ կմրցեն բասկետբոլի Հայաստանի «Ա» լիգայի բասկետբոլիստները: Նախարարի պաշտոնակատար Հ. Ռոստոմյանը միջոցառման 3-րդ մասում (սկիզբը՝ ժամը 19.00-ին) հանդես կգա որպես մրցավար՝ «Ա» լիգայի հայ և լեգեոներ բասկետբոլիստների անուններով կոչվող «Բաբայան» և «Սիմովիչ» թիմերի հանդիպման ժամանակ:

Лента

Рекомендуем посмотреть