Հայաստանում գրանցված 135 ատրակցիոնից 55-ը 2018 թ. ենթարկվել է փորձաքննության, ստացել դրական եզրակացություն և պատրաստ է շահագործման: Դրանցից 47-ը գտնվում է Երևանում, 8-ը` Սյունիքի մարզում: Այդ մասին տեղեկացնում է Արտակարգ իրավիճակների նախարարությունը։
Գերատեսչությունից նշում են, որ մնացած ատրակցիոնների փորձաքննություններն ընթացքի ﬔջ են, և արդյունքներն առաջիկայում կհրապարակվեն:
Միաժամանակ ասվում է, որ ատրակցիոնները հիմնականում սեզոնային են, և մեծ մասը ցուրտ եղանակին չի շահագործվում, սակայն որպես արտադրական վտանգավոր օբյեկտ՝ կարուսելները տարեկան առնվազն մեկ անգամ ենթարկվում են պարտադիր տեխնիկական անվտանգության փորձաքննության:
Դրական եզրակացություն ստացածների թվում են երեխաների սիրելի ժամանցավայրերից մայրաքաղաքում գտնվող «Հաղթանակ» զբոսայգու և «Լունապարկ» այգու կարուսելները:
Ծանոթացեք նաև փորձաքննության ենթարկված մյուս ատրակցիոնների ցանկին: