Онлайн
Նախօրեին 78 տարեկան հասակում ծանր հիվանդությունից մահացել է ավտովարորդների իրավունքների պաշտպանությամբ զբաղվող Էդուարդ Հովհաննիսյանը: Նա հանդիսանում էր «Աքիլես» ավտովարորդների իրավունքների պաշտպանության կենտրոն հասարակական կազմակերպության նախագահը: Էդուարդ Հովհաննիսյանի առողջական վիճակը վերջերս կտրուկ վատացել էր: Իրավաշտպանի բուժման համար նույնիսկ դրամահավաք էր կազմակերպվել:
«Անգնահատելի են Էդիկի ներդրումները Մարդու իրավուքների պաշտպանության ոլորտում: Սա շատ մեծ կորուստ էր մեր հանրության համար»,- ֆեյսբուքյան իր էջում գրել է բնապահպան Սիլվա Ադամյանը:
Էդուրադ Հովհաննիսյանի հոգեհանգստի արարողությունը տեղի կունենա այսօր երեկոյան, 18.00-ից, Երևան քաղաքի Ֆուչիկի 27/34 հասցեում գտնվող սգո սրահում (Մալայանի անվ. ակնաբուժական հիվանդանոցի դիմաց):
