Онлайн
«Չերչիլն ասում էր՝ ես անխնա քննադատում եմ իմ երկրի կառավարությանն իմ երկրի ներսում, սակայն ինձ երբեք շռայլություն թույլ չեմ տա, որպեսզի իմ երկրի կառավարությանը քննադատեմ իմ երկրի սահմաններից դուրս»,-այդ մասին այսօր ԱԺ-ում լրագրողների հետ հանդիպմանն ասել է ՀՀ ԱԺ փոխնախագահ Էդուարդ Շարմազանովը, ում խոսքով միջազգային հարթակներում բոլորը պետք է այդպես վարվեն՝ ստորադասեն քաղաքական, կուսակցական շահը:
Հունիսի 19-21-ը Ալբանիայի մայրաքաղաք Տիրանայում Սևծովյան տնտեսական համագործակցության խորհրդարանական վեհաժողովի (ՍԾՏՀ ԽՎ) 51-րդ լիագումար նստաշրջանի աշխատանքներին մասնակցած ՀՀ ԱԺ պատվիրակության ղեկավար Էդուարդ Շարմազանովը կարևորել է այն փաստը, որ անկախ ներքաղաքական տարաձայնություններից ու կուսակցական մոտեցումներից հայկական պատվիրակությունների անդամներն արտերկրում հանդես են գալիս պետականամետ ընդհանուր դիրքորոշմամբ:
«Կուսակցական պայքարի համար կան տեղեր, մեթոդներ, բայց ոչ երբեք միջազգային վեհաժողովներում»,-նկատել է հանրապետական պատգամավորը:
Պատասխանելով հարցին, թե ՍԾՏՀ-ում Հայաստանի ներքաղաքական իրավիճակին անդրադարձ եղե՞լէ՝ անկախ նրանից, որ կառույցը քաղաքական չէ՝ Էդուարդ Շարմազանով ասել է․ «Իմ երկրի կառավարությունն՝ իմ երկրի կառավարությունն է: Փաշինյանն իմ երկրի վարչապետն է, ես պետք է պաշտպանեմ թե Փաշինյանին, թե նրա կառավարությանը, թե ՀՀ շահերը»։
