Онлайн
Շուտով հին նմուշի անձնագրերի վավերականության ժամկետներն այլևս չեն երկարաձգվի: Այդ մասին ֆեյսբուքյան իր էջում տեղեկացնում է ՀՀ ոստիկանության անձնագրային և վիզաների վարչության պետ Մնացական Բիչախչյանը՝ նշելով, որ եթե լրացել է անձնագրի ժամկետը, պետք է դիմել այն փոխանակելու համար:
ՀՀ կառավարության համապատասխան որոշումն արդեն հրապարակվել է և պաշտոնապես ուժի մեջ է մտնելու օգոստոսի 12-ից:
Անձնագրային և վիզաների վարչության պետն անհրաժեշտ է համարում նաև ի գիտություն հայտնել, որ որոշումն ուժի մեջ մտնելու պահից անձնագրի ժամկետը չի երկարաձգվելու, իսկ մինչ այդ երկարաձգվածները պահպանելու են իրենց ուժը մինչև երկարաձգման կնիքում նշված ժամկետի ավարտը:
