Երևանի փոխքաղաքապետ Վահե Նիկոյանն այսօր ներկայացրել է հանրային տրանսպորտի ոլորտում նախատեսվող բարեփոխումները, որի շրջանակում թարմացվելու և արդիականացվելու է տրոլեյբուսային պարկը, տոմսային համակարգի բազմազանություն է լինելու, Երևանի փողոցներում բացառվելու են գազելները, որոնց ամվողջովին փոխարինելու են գալու միջին և մեծ ավոտբուսները:
Քաղաքապետարանը վարորդների ընտրության չափորոշիչներ է մշակելու՝ նրանց աշխատավարձը ներառելով տրանսպորտի սակագնի մեջ։
Փոխքաղաքապետի խոսքով՝ ֆինանսական միջոցների պատճառով մետրոյի նոր կայարանի ավելացում չի նախատեսվում, տրամվայի հետ կապված ծրագրեր էլ չկան:
Իսկ թե նախանշված ծրագրերը երբ կյանքի կկոչվեն՝ դեռ հստակ չէ, այդուհանդերձ, Երևանի փոխքաղաքապետը վստահեցրել է՝ անելու են «ամեն ինչ, որպեսզի տրանսպորտի գինը չթանկանա»: