Այսօր մի հսկա զանգված չի մասնակցելու ընտրություններին ու դա հիմնականում գիտակցված քայլ է: Այդ կարծիքին է քաղաքագետ Ստեփան Դանիելյանը։ Նրա հիմնավորմամբ՝ պատճառն այն է, որ քաղաքական համակարգը փլուզված է և մարդիկ առհասարակ կուսակցություններին չեն վստահում: «Սա ժամանակավոր` ճգնաժամային պառլամենտ է լինելու: Չմասնակցողների համար այս խորհրդարանը լեգիտիմ չի և դրա համար է կարևոր չմասնակցողների տոկոսը: Դա իր դերը հետագայում կատարելու է»,-գրել է քաղաքագետը ֆեյսբուքյան իր էջում։
Մասնագիտությամբ տնտեսագետ Թաթուլ Մանասերյանն էլ քարոզարշավի ընթացքը թեև «խայտառակ» է որակել, այդուհանդերձ, «Ռադիո Վան»-ի հետ զրույցում ընդգծել է՝ լավատեսորեն է տրամադրված։
Ընթացող ընտրությունների և դրանց արդյուքների նկատմամբ լավատես է նաև խմբագիր Տիգրան Ռշտունին։
Ինչ վերաբերում է այն կարծիք-մտավախություններին, թե արտահերթ խորհրդարանական ընտրություններին մասնակից քաղաքական ուժերի ընտրական ցուցակներում ընդգծրված են երիտասարդ և անփորձ անձինք, ովքեր կարող են ձախողել ամեն ինչ, զրուցակիցս ընդգծում է՝ էականը տարիքը չէ, այլ՝ անձի որակները։
Մանրամասները՝ Լիաննա Մարգարյանի ռեպորտաժում