Կենտրոնական ընտրական հանձնաժողովն այսօր հրավիրած արտահերթ նիստում հրապարակել է Ազգային ժողովի արտահերթ ընտրությունների քվեարկության նախնական արդյունքները, համաձայն որոնց՝
Հայաստանի Հանրապետական կուսակցության օգտին քվեարկել է 59 068 քաղաքացի կամ ընտրողների 4.7 տոկոսը,
«Քաղաքացու որոշում» սոցիալ դեմոկրատական կուսակցությունը ստացել է 8533 ձայն կամ ձայների 0.68 տոկոսը,
«Հայ Յեղափոխական դաշնակցություն» կուսակցությունը՝ 48 822 ձայն կամ 3.89 տոկոս,
«Իմ քայլը»՝ 884 849 ձայն կամ 70.44 տոկոս,
«Լուսավոր Հայաստան»-ը՝ 80 049 ձայն կամ ձայների 6.37 տոկոսը,
«Քրիստոնեա-ժողովրդական վերածնունդ»՝ 6460 ձայն կամ 0.51 տոկոս,
«Ազգային առաջընթաց»՝ 4122 ձայն կամ 0,33 տոկոս,
«Մենք» դաշինք՝ 25 174 ձայն 2 տոկոս,
ՕԵԿ՝ 12 390 ձայն կամ 0.99 տոկոս,
«Սասնա ծռեր»՝ 22 868 ձայն կամ 1.82 տոկոս,
«Բարգավաճ Հայաստան» կուսակցությունը ստացել է 103 837 ձայն կամ ձայների 8.27 տոկոսը։
«Իրազեկ քաղաքացիների միավորման» նախագահ Դանիել Իոաննիսյանի հաշվարկով, եթե եղած թվերը չփոխվեն, ապա գալիք ԱԺ-ն կունենա 132 պատգամավոր, որից՝ 88-ը «Իմ քայլը» , 25՝ ԲՀԿ, 19՝ ԼՀԿ։
Նշենք, երեկ՝ դեկտեմբերի 9-ին կայացած Ազգային ժողովի արտահերթ ընտրության քվեարկությանը մասնակցել է ընտրողների ցուցակում ընդգրկված 2,591,276 ընտրողից 1, 262,164-ը կամ ընտրողների48,67 տոկոսը։
Անվավեր քվեաթերթիկների թիվը 4675 է։
Յոթերորդ գումարման Ազգային ժողովում մանդատ ունենալու համար պայքարում էր 11 քաղաքական ուժ` 9 կուսակցություն և 2 դաշինք: Կուսակցությունների համար անցողիկ շեմ է համարվում 5 տոկոսը, դաշինքների համար` 7-ը: