Онлайн
Եվրոպական միությունը (ԵՄ) լիարժեք պատրաստ է աջակցել Հայաստանին բարեփոխումների և, ընդհանրապես, զարգացման ծրագրեր իրականացնելու օրակարգում: Այդ մասին կառավարության նիստի մեկնարկին այսօր հայտարարել է վարչապետ Նիկոլ Փաշինյանը՝ անդրադառնալով Բրյուսել կատարած այցի արդյունքներին:
Փաշինյանն ընդգծել է, որ ԵՄ-ի հետ մի քանի մեգանախագծեր են քննարկվել, որոնց առաջին խումբը վերաբերում է ճանապարհային և տրանսպորտային ենթակառուցվածքներին:
«Մեր նպատակադրումն է, որ Հայաստանում ավտոճանապարհները պետք է բերվեն եվրաչափանիշներին: Ինչպես նաև պետք է կարևոր որոշում կայացնենք Հյուսիս-հարավ ծրագրի վերաբերյալ»,-նշել է վարչապետը:
Ըստ նրա՝ հաջորդը ջրամբարաշինության մեծ պլանն է և ջրերի կառավարման նոր համակարգի ներդրումը: Այս առումով, վարչապետի խոսքով, կարևոր է Սևանա լճի շուրջ և առնվազն մինչև Երևանյան լիճ ձգվող ջրերի մաքրման կայաններ կամ համակարգ ստեղծելը:
Հաջորդ խնդիրը՝ դպրոցաշինությունն է, կան պլաններ արդարադատությոան ոլորտին առնչվող։
Այդ բոլոր ծրագրերի իրականացման գործում Հայաստանը ստացել է ԵՄ-ի աջակցության պատրաստակամությունը, ասել է Փաշինյանը՝ նշելով, որ, այդուհանդերձ, կա մի խնդիր, որ ԵՄ-ն պատրաստ չէ այդ ծրագրերի իրականացումն անել 100 տոկոսով և ակնկալում է, որ դրանում լուրջ մասնակցություն պետք է ունենա նաև Հայաստանի Հանրապետությունը:
«Մեր խնդիրն է պետական եկամուտների ավելացումը՝ վարչարարության միջոցով: Այս համատեքստում կարևորվում է նաև արտաքին միջոցների ներգրավումը և դրանց առաջնային թիրախ ենք համարում ենթակառուցվածքները»,- ասել է կառավարության ղեկավարը:
Մանրամասները՝ աուդիոնյութում։
