Онлайн

Արգենտինական ընկերությունը դոնորական օրգանները պահելու նոր տեխնոլոգիա Է ստեղծել, որի շնորհիվ փոխպատվաստումների թիվը կարող Է կրկնապատկվել

2019-03-24 08:46 , Медицина, здоровье, 326

Արգենտինական ընկերությունը դոնորական օրգանները պահելու նոր տեխնոլոգիա Է ստեղծել, որի շնորհիվ փոխպատվաստումների թիվը կարող Է կրկնապատկվել

Արգենտինական ընկերությունը մշակել Է տեխնոլոգիա, որը թույլ Է տալիս փոխպատվաստման համար օրգանները պահել մարդու մարմնին համանման պայմաններում: Այդ մասին հայտնել Է երկրի կրթության, մշակույթի, գիտության եւ տեխնոլոգիաների նախարարությունը:

Նախագծի համար 292 հազար պեսո (մոտավորապես 73 հազար դոլար) Է հանգանակվել «Արգենտինայի նորաստեղծությունների շուկա» Էլեկտրոնային հարթակի միջոցով:

«Տեխնոլոգիան թույլ կտա նաև հսկել և գնահատել օրգանների գործառությունը մինչև վիրահատության պահը և կավելացնի դրանք պահելու ժամանակը և կբարելավի դրանց գործունակությունը»,- ասված Է գերատեսչության հաղորդագրության մեջ:

Նշված Է, որ գյուտի շնորհիվ փոխպատվաստումների թիվը կարող Է կրկնապատկվել, 20 տոկոսով կավելանա դոնորների թիվը: Ընթացիկ տարում Արգենտինայում ուժի մեջ Է մտել «Խուստինայի օրենքը», որի համաձայն բժիշկներն առանց հարազատների թույլտվության կարող են 18-ից բարձր տարիքի մահացածներից վերցնել փոխպատվաստման համար պիտանի հյուսվածքներ եւ օրգաններ: Բացառություն են կազմում սոսկ այն դեպքերը, երբ մարդը կյանքի օրոք իր օրգանների դոնորության արգելք Է ստորագրել:

Лента

Рекомендуем посмотреть