Այսօր Սանկտ Պետերբուրգի Ա․Ֆ․ Մոժայսկիի անվան ռազմա-տիեզերական ակադեմիայում հրդեհ է բռնկվել, որի հետևանքով, նախնական տվյալներով, տուժել է 6 կուրսանտ։
«ՌԻԱ նովոստի»-հաղորդմամբ՝ կուրսանտներն ու դասավանդողները տարհանվել են: Նախնական վարկածի համաձայն՝ պատճառը շենքում ականի պայթյունն է եղել:
Նշվում է, որ Ալեքսանդր Մոժայսկիի անվան ակադեմիան Ռուսաստանի Դաշնության ամենամեծ ռազմաուսումնական հաստատություններից է, որտեղ պատրաստում են օդատիեզերական ուժերի սպաներ: