Բոլոր ԱԳԼՃԿ-ներին՝ խուսափեք թերլիցքավորումներից և տրամադրեք ՀԴՄ կտրոններ․ տեսչական մարմինը խիստ է լինելու - RadioVan.fm

Онлайн

Բոլոր ԱԳԼՃԿ-ներին՝ խուսափեք թերլիցքավորումներից և տրամադրեք ՀԴՄ կտրոններ․ տեսչական մարմինը խիստ է լինելու

2019-04-03 19:29 , Общество, 1270

Բոլոր ԱԳԼՃԿ-ներին՝ խուսափեք թերլիցքավորումներից և տրամադրեք ՀԴՄ կտրոններ․ տեսչական մարմինը խիստ է լինելու

Շուկայի վերահսկողության պետական լիազոր մարմինն այսօր ԱԳԼՃԿ-ներին ուղղված հայտարարություն է տարածել, որում ասված է․

«Հաշվի առնելով վերջին շրջանում մեր քաղաքացիներից ստացվող բազմաթիվ բողոքներն ու դժգոհությունները՝ Հայաստանի Հանրապետության շուկայի վերահսկողության տեսչական մարմինը ԱԳԼՃԿ բոլոր տնտեսվարողներին և աշխատակիցներին հորդորում է խստագույնս հետևել լցակայաններում վաճառվող գազի չափաբաժնին և զերծ մնալ խախտումներից՝ խուսափել թերլիցքավորումներից և գազի ճնշման սահմանված չափի գերազանցումից, հետևելով «Չափագիտության ազգային ինստիտուտ» ՓԲԸ Չափագիտության ազգային մարմնի պաշտոնական կայքում՝ www.metrology.am հրապարակվող ամենօրյա մատակարարվող գազի խտության չափին, լինել բարեխիղճ սպառողների հանդեպ, պարտադիր տրամադրել ՀԴՄ կտրոններ, այլապես՝ ստիպված կլինի դիմել վերահսկողական-վարչարարական առավել խիստ միջոցների»:

Տեսչական մարմինը սպառողներին կոչ է անում լինել հանրային վերահսկող, անպայման պահանջել ՀԴՄ կտրոն և ցանկացած խախտում հայտնաբերելու դեպքում անմիջապես դիմել Շուկայի վերահսկողության տեսչական մարմին՝ ներկայացնելով գրավոր դիմում-բողոք՝ առձեռն կամ ստորագրված տարբերակն ուղարկելով [email protected], [email protected] էլփոստերից որևէ մեկին: Հարցերի դեպքում էլ՝ զանգահարել թեժ գծին՝ 010 23 56 00 հեռախոսահամարով:

Лента

Рекомендуем посмотреть