Թուրքիան իրավական առումով առոչինչ է համարում Իտալիայի խորհրդարանի պատգամավորների պալատի կողմից նախօրեին Հայոց ցեղասպանության ճանաչման մասին բանաձևի ընդունումը։
«Իտալիայի պատգամավորների պալատի որոշումն իրավական ուժ չունի ճիշտ այնպես, ինչպես պատմությունը քաղաքակացնելու բոլոր փորձերը»,-թվիթերում կատարած գրառմամբ հայտարարել է Թուրքիայի Արտգործնախարար Մևլութ Չավուշօղլուն՝ ընդգծելով, որ անընդունելի է համարում այն, որ իտալական խորհրդարանը դարձել է գործիք Եվրախորհրդարանի ընտրություններում «Լեգա» կուսակցության դիրքերն ամրապնդելուն ուղղված խաղում։
Like all attempts politicizing history,this decision of the Italian Chamber of Deputies is also null & void. It is unacceptable that the Italian Parliament has become an instrument of the game played by the xenophobic Lega party that is seeking votes for the European Parliament.
— Mevlüt Çavuşoğlu (@MevlutCavusoglu) 11 апреля 2019 г.
Թուրքիայի արտգործնախարարությունը հայտարարում է․ «Այս բանաձևը մեր երկրի հետ պատմական առնչություններ, առևտրային սերտ համագործակցություն ունեցող և ռազմավարական դաշնակից Իտալիայի հետ մեր հարաբերությունների վրա անխուսափելի ազդեցություն կունենա»:
Թուրքիայի նախագահի խոսնակ Իբրահիմ Քալընը ևս արձագանքել է Իտալիայի խորհրդարանի ստորին պալատի ընդունած բանաձևին:
«Այսպես կոչված Հայոց ցեղասպանության վերաբերյալ որոշումն անտեսում է պատմական իրողությունները և նոր թշնամություն սերմանում: Մենք խստորեն դատապարտում ենք քաղաքական պոպուլիզմին աջակցող այս մոտեցումը, որը նաև անտեսում է համատեղպատմական հանձնաժողով ստեղծելու մեր նախագահի կոչը»,-երեկ ուշ երեկոյան իր թվիթերյան էջում գրել է նա։
İtalyan Parlamentosunun sözde soykırım kararı, tarihi gerçekleri yok sayan ve yeni husumet tohumları eken bir karardır. Cumhurbaşkanımızın ortak tarih komisyonu çağrısını yok sayan ve siyasi popülizmi körükleyen bu yaklaşımları şiddetle reddediyoruz.
— Ibrahim Kalin (@ikalin1) 10 апреля 2019 г.
Թուրքիայի նախագահի աշխատակազմի հանրային կապերի բաժնի ղեկավար Ֆահրեթթին Ալթունն էլ Իտալիայի խորհրդարանի պատգամավորների պալատի կողմից Հայոց ցեղասպանության վերաբերյալ բանաձևի ընդունումը որակել է որպես թուրք ազգի պատմությունն աղավաղելու և քաղաքականացնելու քայլ։
«Սաանօգուտ, թշնամական և ցավալի մոտեցում է։ Միմյանց հիշողությունների դեմ հարձակում գործելու փոխարեն բոլորս պիտի միասին աշխատենք, որպեսզի երաշխավորենք ճշմարտության գերակայությունը հորինվածքի նկատմամբ»,-գրել է նա թվիթերում։
We strongly condemn the Italian Parliament’s most recent attempt at distorting and politicizing our nation’s history.
This is unproductive, hostile and deplorable.
Instead of attacking each other’s memories, we must all work together to ensure that truth prevails over fiction.
— Fahrettin Altun (@fahrettinaltun) 10 апреля 2019 г.
Հիշեցնենք՝ Իտալիայի պատգամավորների պալատն ապրիլի 10-ին ընդունել է բանաձև, որով երկրի կառավարությանը կոչ է անում ճանաչել Հայոց ցեղասպանությունը և խնդրին տալ միջազգային հնչեղություն։ Բանաձևին կողմ է քվեարկել 382 պատգամավոր, ձեռնպահ է մնացել 43-ը, դեմ ձայներ չեն եղել։
Պատրաստեց՝ Լիաննա Մարգարյանը