Онлайн
Հռոմի Ֆրանցիսկոս պապը Վատիկանում հյուրընկալել է Հարավային Սուդանի առաջնորդներին՝ հարգելու նրանց կնքած հրադադարը և միասնական կառավարություն ստեղծելու որոշումը։
Պապն ընդունելության ժամանակ ծնկի է իջել ու համբուրել առաջնորդների ոտքերը` կոչ անելով չվերադառնալ քաղաքացիական պատերազմին։
«Ես ձեզ խնդրում եմ որպես եղբայր՝ պահպանել խաղաղությունը, խնդրում եմ իմ ամբողջ սրտով»,-«Եվրանյուզի» փոխանցմամբ՝ ասել է հարավային սուդանցի առաջնորդների առջև ծնկի եկած 82-ամյա Ֆրանցիսկոս պապը։
Նշենք՝ աֆրիկյան այդ երկրում 5 տարի շարունակված քաղաքացիական պատերազմից հետո հրադադարի պայմանագիր է կնքվել։
Հռոմի պապը հորդորել է Վատիկանում հյուրընկալված նախագահ Սալվա Քիիրին, նրա նախկին փոխնախագահ Ռիեկ Մաչարին, ով դարձել է ապստամբների առաջնորդ, և ևս 3 փոխնախագահներին հարգել զինադադարը, որը ստորագրել են ու խոստացելհաջորդ ամիս կառավարություն կազմել:
