1-ին դասարան ընդունվողների փաստաթղթերը դպրոց ներկայացնելու ժամկետները - RadioVan.fm

Онлайн

1-ին դասարան ընդունվողների փաստաթղթերը դպրոց ներկայացնելու ժամկետները

2019-05-17 18:48 , Образование, 3609

1-ին դասարան ընդունվողների փաստաթղթերը դպրոց ներկայացնելու ժամկետները

Երևանի պետական հանրակրթական դպրոցների հայտագրման առցանց համակարգի միջոցով մայիսի 17-ի, ժամը 15:00-ի դրությամբ հերթագրվել է առաջին դասարան հաճախելու իրավունք ունեցող 10 367 երեխա:

Այդ մասին հայտնում են ՀՀ կրթության և գիտության նախարարությունից՝ տեղեկացնելով, որ ծնողները դպրոց ընդունվելու համար պահանջվող փաստաթղթերը պետք է դպրոց ներկայացնեն հայտագրումից հետո 15 աշխատանքային օրվա ընթացքում, այլապես, նշվում հերթագրումը կչեղարկվի:

Ուշադրություն. այն ծնողները, ովքեր առցանց հերթագրման ժամանակ ինչ-որ պատճառով չեղարկել են հայտագրումը և ընտրել նոր դպրոց, փաստաթղթերը պետք է ներկայացնեն 10 աշխատանքային օրվա ընթացքում:

Ծնողները նշված ժամկետներում փաստաթղթերը կարող են դպրոց ներկայացնել յուրաքանչյուր աշխատանքային օր:

Անհրաժեշտ փաստաթղթերի ցանկ.

1. Դիմում` ուղղված տնօրենին

2. Բնակչության պետական ռեգիստրում հաշվառված լինելու մասին տեղեկանք,

3. Ծննդյան վկայականի կամ անձնագրի բնօրինակը և պատճենը,

4. 2 լուսանկար՝ 3x4 չափսի,

5. Վկայագիր «Կրթության առանձնահատուկ պայմանների կարիքի վերաբերյալ»՝ տրված տարածքային կառավարման պետական մարմնի կողմից, կրթության առանձնահատուկ պայմանների կարիք ունեցող սովորողին հատուկ դպրոց ընդունելու համար, առկայության դեպքում: Անհրաժեշտ է դպրոց ներկայացնել նաև երեխայի Հանրային ծառայությունների համարանիշի մասին տեղեկանքը:

Համակարգը նաև հնարավորություն է տալիս ստուգել, թե երեխան որ դպրոցում է հերթագրված: Ստուգումը կատարել հետևյալ հղմամբ՝ https://bit.ly/2HokL5g:

Лента

Рекомендуем посмотреть