Онлайн
ՀՀ պաշտպանության նախարարության մամուլի խոսնակ Շուշան Ստեփանյանը տեխնիկական տվյալներ է ներկայացրել հայկական զինուժի խոցած թուրքական մարտական անօդաչուների վերաբերյալ։
«Արցախի պաշտպանության բանակի Հակաօդային պաշտպանության (ՊԲ ՀՕՊ) ստորաբաժանման կողմից երեկ խոցված թուրքական «Բայրաքթար» (Bayraktar TB2) մարտական անօդաչու թռչող սարքի հեռակառավարվող տեսախցիկը L-3 WESCAM CMX-15D մոդելի է:
Այն արտադրվել է 2020թ հունիսին Կանադայի WESCAM ընկերության կողմից և Bayraktar TB2-ի վրա տեղադրվել 2020թ սեպտեմբերին:
Ընդհանուր աշխատանքը կազմել է 31 ժամ»,-հայտնել է նա։
Նշենք՝ ՀՀ վարչապետ Նիկոլ Փաշինյանն այսօր անդրադառնալով Արցախի պաշտպանության (ՊԲ) բանակի կողմից շուրջ 1 տասնյակ «Բայրաքթար» թուրքական անօդաչու թռչող սարքերի խոցման փաստին՝ ընդգծել է, որ վերջապես «Բայրաքթարի» բեկորներ ունենք, ինչը Արցախի դեմ կռվում Թուրքիայի անմիջական ներգրավվածության ապացույց է։
