Ադրբեջանի նախագահ Իլհամ Ալիևը Լեռնային Ղարաբաղի վերահսկողության նպատակով սանձազերծած ու շուրջ մեկուկես ամիս ընթացող պատերազմի օրերին BBC-ին տված հարցազրույցում հայտարարել է, թե խաղաղության հնարավորություն չի տեսնում, քանի դեռ Հայաստանի վարչապետի պաշտոնում Նիկոլ Փաշինյանն է:
Պարբերականի հրապարակումից տեղեկանում ենք, որ Ալիևը միաժամանակ ընդգծել է, թե ադրբեջանական բանակը անմիջապես կդադարեցնի կռիվը, եթե Հայաստանը զորքերը դուրս բերի «գրավյալ տարածքներից»:
Պարբերականն, ի հավելումն նշում է, որ նոյեմբերի 6-ին Բաքվում կայացած հարցազրույցում BBC-ի թղթակից Օրլա Գերինը Իլհամ Ալիևից հետաքրքրվել է, թե ինչպիսի փոխզիջման է պատրաստ Ադրբեջանի նախագահը հանուն խաղաղության:
Հիշեցնենք՝ Ադրբեջանի նախագահ Իլհամ Ալիևը հոկտեմբերի 9-ին էլ Euronews-ին տված հարցազրույցում հայտարարել էր, թե Հայաստանի նախորդ իշխանությունների հետ բանակցությունները կառուցողական են եղել, մինչդեռ ներկայիս վարչապետն իր հետ հանդիպումներին հայտարարել է, որ հայկական կողմը չի պատրաստվում տարածքներ վերադարձնել։