Онлайн
Արցախի տեղեկատվական շտաբից հայտնում են, որ հետայսու Արցախի Հանրապետություն մուտք ու ելքը հնարավոր է միայն Բերձոր-Ստեփանակերտ ավտոճանապարհով:
«Ի կատարումն նոյեմբերի 9–ին ընդունված եռակողմ հայտարարության՝ Շահումյանի շրջանն անցել է Ադրբեջանի վերահսկողության ներքո, ուստի Սոթք-Մարտակերտ ավտոճանապարհն արդեն փակ է»,-պարզաբանում են Արցախի տեղեկատվական շտաբից:
Հիշեցնենք՝ Հայաստանն Արցախին կապող Քարվաճառի/Շահումյանի շրջանն անցել է թշնամու վերահսկողության ներքո այսօրվանից՝ նոյեմբերի 25-ից՝ համաձայն Հայաստանի վարչապետ Նիկոլ Փաշինյանի, Ադրբեջանի և Ռուսաստանի նախագահների՝ Լեռնային Ղարաբաղի հակամարտության գոտում ամբողջական հրադադարի և բոլոր ռազմական գործողությունների ավարտի մասին նոյեմբերի 9-ին ստորագրած հայտարարության:
Թշնամուն չթողնելու նպատակով հայկական կողմը պայթեցրել է տեղի զորամասերը, hայկական ռազմական վերջին շարասյունը դուրս է եկել Քարվաճառից, հայկական երկրորդ հանրապետություն մուտքն ազդարարող «Բարի գալուստ Արցախ» գրությամբ ցուցանակն ապամոնտաժվել է, Հայաստանն Արցախին կապող Քարվաճառի ճանապարհը փակվել է կարմիր դարպասներով:
