Ազգությամբ թուրք հայտնի վիրտուոզ ջութակահար Ջիհաթ Աշքընը ի հիշատակ կյանքից հեռացած պոլսահայ մեծանուն լուսանկարիչ Արա Գյուլերի՝ կատարել է Կոմիտասի «Կռունկ» ստեղծագործությունը:
Վիրտուոզը իր կատարումը տեղադրել է իր ֆեյսբուքյան էջում՝ նշելով՝ «Արա Գյուլերին...»:
Հիշեցնենք՝ պոլսահայ հայտնի լուսանկարիչը մահացել է սրտի անբավարարությունից, հոկտեմբերի 17-ին, Ստամբուլի հիվանդանոցներից մեկում:
«Ստամբուլի աչք» անվամբ հայնի 90-ամյա լուսնակարչի մահվան առիթով ցավակցություններ են հղել Թուրքիայի նախագահ Ռեջեփ Թայիփ Էրդողանը, Հայաստանի բարձրաստիճան պաշտոնյաներ։
Արա Գյուլերը, ով արժանացել է նաև «դարի լավագույն լուսանկարիչ» տիտղոսին, կյանքի 68 տարին նվիրել է լուսանկարչությանը։ Նկարել է համաշխարհային պատմության հայտնի դեմքերին՝ Ուինսթոն Չերչիլ, Առնոլդ Թոյնբիի,Բերթրանդ Ռասել, Պիկասո, Սալվադոր Դալի, Սոֆի Լորեն և այլք:
Նրա արխիվում կա ավելի քան 2 մլն լուսանկար։
Պատրաստեց՝ Լիաննա Մարգարյանը